Hoxe comezou o obradoiro de series web impartido por MAGNETOVA con Javi Camino, Enrique Lojo e Daniel Vilaverde. Un total de vinte mozos e mozas carballeses de entre 16 e 35 anos participan no Taller de Webseries. Despois do remate do prazo de inscrición o luns 3 de marzo, cubríronse todas as prazas ofertadas, o que amosa a boa acollida desta iniciativa. Este obradoiro do CIP é unha actividade gratuíta que pretende achegarlles aos e ás participantes os conceptos básicos para realizar unha serie web, dende a idea orixinal, pasando polo proceso de desenvolvemento do guión, produción, rodaxe e montaxe. O obxectivo é a creación dunha webserie composta por cinco capítulos cunha temática que xire arredor do Concello de Carballo.
Arquivos do autor: Dirección
Premio ao mellor guión patrocinado por AGAG
As webseries seleccionadas poderán optar tamén a un novo premio: PREMIO AO MELLOR GUIÓN. Este premio está patrocinado pola Asociación Galega de Guionistas (AGAG) e terá unha dotación económica de 200 euros máis trofeo.
Como xa veñen de facer noutros festivais como O Festival de Cans (Porriño) ou o Festival Internacional de Curtametraxes Curtocircuito (Compostela) os compañeiros guionistas colaborarán como patrocinadores no Festival Carballo Interplay abrindo un novo premio para os seleccionados.
Taller de webseries
Tes entre 18 e 35 anos, eres de Carballo e estás interesado en facer unha webserie? Aquí tes o taller gratuíto onde atoparás todas as claves, dende a idea orixinal, pasando pola creación do guión, a rodaxe e a montaxe.
O taller será impartido polo director Javi Camino, da productora Magnetova Entertainment e desenvolverase os sábados 8, 15, 22 e 29 de Marzo de 10 a 14 horas no Fórum de Carballo.
Nesta entrevista Javi Camino fálanos sobre o taller.
Aquí tes a ficha de inscripción!
Anímate e participa!
Presentación de “Freaklances Project”
Queres saber como sacarlle rendemento económico á túa webserie?
Julio Garma, creador da coñecida webserie Freaklances, achegaráse a Carballo para contarnos o proxecto FREAKLANCES PROJECT , un proxecto de produción e distribución de webseries.