Arquivo da categoría: Uncategorized

Palmarés do I Carballo Interplay

clausura CIP

Rematou o I Carballo Interplay. Estas foron as webseries premiadas:

- Premio á mellor webserie en imaxe real: Les Coses Grans

- Premio á mellor webserie de animación: Ventura Time

- Premio á mellor webserie en lingua galega: Poetarras

Mención especial á webserie en lingua galega: Palabras secretas

– Premio ao mellor guión, concedido por AGAG: Entre pipas

– Mención especial ao guión de Lavida.es

- Premio á mellor interpretación feminina: Mar Ulldemolins por Les Coses Grans

– Premio á mellor interpretación masculina: Xúlio Abonjo e Luis Zahera por Entre Pipas

– Premio do público: Les Coses Grans

Moitos parabéns a todos!

Vermú con CREA

Venres 25 de abril, de 13:30 a 14:30.

VERMU con crea_03

Vermú con crea é un encontro informal entre directores.

Calquera excusa é boa para reunirse e falar de cine, de televisión, de videocreación ou, coma neste caso… de webseries.

Este vermú, que nace da vontade de colaboración entre o Carballo Interplay e CREA (asociación de directores e realizadores de Galicia), tratará sobre a dirección nas webseries. En compañía de varios directores experimentados nesta nova liña de traballo, falaremos das súas peculiaridades, das diferenzas e os puntos en común co traballo noutros formatos, dos retos e das dificultades…

E todo mentres tomamos, tan a gusto, un vermú (ou o que cada un queira, por suposto).

Chin, chin!

 

 

Concerto: Unicornibot + Calixta + DJ Bigote Mix

UNICORNIBOT + CALIXTA + DJ BIGOTE MIX

Sábado 26 de abril ás 23h na SALA DUBLÍN (Carballo)

Entrada: 5 euros

Os pontevedreses Unicornibot son unha das bandas estatais co directo máis enerxético e divertido que poderás atopar. Prescindindo da voz, levan case cinco anos paseando por España, Portugal e outros moitos países de Europa a súa tola mezcla de rock instrumental de alto volume, unha posta en escena de contacto total co público e sentido do humor, deixando por onde pasan unha cada vez máis grande lexión de seguidores. O seu último traballo, Mambotron (Matapadre, 2013) foi referenciado como un dos mellores traballos do ano pasado en todos os medios de comunicación especializados.

unicornibot

Calixta son un dúo enerxizante de rock directo, cru e sanguinolento, Só armadas con batería, guitarra e quintais de actitude, son unha batedora imparable de garage, sludge, grunge e distorsión en xeral. Dúas rapazas con ganas de papar o mundo e con moi pouco reparo en ensinar os dentes, levan xa uns meses dando moito que falar en Galicia e os seus próximos movementos empezan a ser agardados con ansiedade. O Carballo Interplay é o vindeiro.

Calixta

Arrinca o obradoiro de series web

talleres-01

Hoxe comezou o obradoiro de series web impartido por MAGNETOVA con Javi Camino, Enrique Lojo e Daniel Vilaverde. Un total de vinte mozos e mozas carballeses de entre 16 e 35 anos participan no Taller de Webseries. Despois do remate do prazo de inscrición o luns 3 de marzo, cubríronse todas as prazas ofertadas, o que amosa a boa acollida desta iniciativa. Este obradoiro do CIP é unha actividade gratuíta que pretende achegarlles aos e ás participantes os conceptos básicos para realizar unha serie web, dende a idea orixinal, pasando polo proceso de desenvolvemento do guión, produción, rodaxe e montaxe. O obxectivo é a creación dunha webserie composta por cinco capítulos cunha temática que xire arredor do Concello de Carballo.

Premio ao mellor guión patrocinado por AGAG

As webseries seleccionadas poderán optar tamén a un novo premio: PREMIO AO MELLOR GUIÓN. Este premio está patrocinado pola Asociación Galega de Guionistas (AGAG) e terá unha dotación económica de 200 euros máis trofeo.

Como xa veñen de facer noutros festivais como O Festival de Cans (Porriño) ou o Festival Internacional de Curtametraxes Curtocircuito (Compostela) os compañeiros guionistas colaborarán como patrocinadores no Festival Carballo Interplay abrindo un novo premio para os seleccionados.

AGAG2

 

Taller de webseries

taller

Tes entre 18 e 35 anos, eres de Carballo e estás interesado en facer unha webserie? Aquí tes o taller gratuíto onde atoparás todas as claves, dende a idea orixinal, pasando pola creación do guión, a rodaxe e a montaxe.
O taller será impartido polo director Javi Camino, da productora Magnetova Entertainment e desenvolverase os sábados 8, 15, 22 e 29 de Marzo de 10 a 14 horas no Fórum de Carballo.

Nesta entrevista Javi Camino fálanos sobre o taller.

Aquí tes a ficha de inscripción!

Anímate e participa!