Carballo
Interplay
XII Edición

24 - 27 / 04 / 2025 

Programa

Venres 25/04/25
19:00
Mercado de Carballo

Coñecendo a… Andy Chichester. Con Federico Pérez

Nesta edición queremos reivindicar máis que nunca a lingua galega e á xente que decide usala e defendela no seu día a día, e dentro desa xente, paleofalante e neofalante, atopamos casos curiosos coma o de Andy Chichester, profesor estadounidense que decidiu aprender o idioma e empezar a usalo nas súas redes sociais, gañando o cariño do internet galego.

Panel

O seu compromiso coa nosa cultura, malia non ter ningún tipo de cercanía previa, é un dos temas dos que queremos falar con Andy, que viaxará dende Nova York ata Carballo para poñer en práctica os seus coñecementos e reflexionar sobre o papel da lingua nas nosas vidas. Todo nunha conversa na que estará acompañado polo actor Federico Pérez.

Participan

Andy Chichester

Andy, alias @Chibarinclub en X, leva catro anos difundindo contido en galego en Instagram, Youtube e GaliX. Filólogo dende sempre, Andy ten licenciatura en lingua española, estudos de francés e italiano, e unha paxion profunda pola lingua galega. Neofalante autodidacta dende 2019, esfórzase moito para dominar o galego a fondo. Este ianque de alma galega considérase defensor e promotor orgulloso do galego e de Galiza. Docente durante 33 anos, traballou durante17 anos como profesor de lingua española, para logo cambiar á especialización de pedogoxía infántil. Actualmente traballa como mestre de infantil no colexio Norwood Norfolk. Andy reside en Potsdam, NY EUA con súa muller Bonnie.

Instagram: @chibarinclub | X: @Chibarinclub

Federico Pérez

Nas súas propias palabras, Federico é “filólogo reconvertido en actor e fago o que podo e o que me deixan, que cadra case sempre co que quero facer”. Monologuea, canta, estivo en “Era Visto”, en “Padre Casares”, en “Rapa” e nalgunhas series máis. Nalgunha peli tamén fixo cousas: “Cuñados”, “As Bestas”, “O corpo aberto”… Mesmo en series web. Pois iso, xa o dicía el, “un pouco de todo”. E ten un can. Non hai mellor conductor para esta conversa (isto dicímolo nós).

Instagram: @fedeperez76 | X: @FedericoPrezRey 

Volver ao Programa