A través das ilustracións de Clara Iris Ramos, afondaremos en tres temáticas básicas: a privacidade en liña, o control das nosas imaxes íntimas ou privadas, e como responder en casos de control e vixilancia. Os asistentes aprenderán a controlar a información que comparten, facer sexting seguro, ou crear contrasinais fortes dunha forma didáctica e fácil de comprender. Porque queremos que todas as persoas estean cómodas e seguras en liña, independentemente dos seus coñecementos dixitais.