Trescentostrece é un proxecto de divulgación e de proximidade, que nace do obxectivo de percorrer os 313 concellos de Galicia para dar a coñecer as súas historias, curiosidades e realidades a través das redes sociais. Isto levarase a cabo a través de formatos dixitais específicos para as redes, en concreto, TikTok e Instagram.

Instagram: @trescentos.trece
Tiktok: @trescentos.trece

Salseología é un proxecto dixital centrado en contidos de salseo e actualidade, cun ton informal, irónico e moi recoñecible. Publica información, comentarios e pezas breves sobre temas de cultura pop, redes sociais e actualidade, combinando texto e formatos visuais propios das plataformas dixitais. Ademais dos seus perfís abertos, conta con espazos de acceso pechado onde comparte contido adicional e mantén unha relación máis directa coa súa audiencia, incorporando tamén interacción e participación das persoas usuarias.

Instagram: @salseologia
Tiktok: @salseologia

Noticias que non son noticias pero que che interesan máis que as noticias. O seu obxectivo é que nunca quedes sen conversa para o café. O que comezou como unha newsletter sobre a actualidade dixital dunha axencia audiovisual acabou converténdose nunha conta de Instagram dedicada por completo ao microuniverso da Charca. Non están aquí para facer que perdas o tempo: todas as noticias, mastigadas e clasificadas para localizar ao instante o que che interesa.

Instagram: @literal247
Tiktok: @literal247

Woke Up! é un proxecto mediático do que forman parte activistas de diversas procedencias e que militan en diferentes ámbitos do progresismo: feministas, animalistas, activistas polo clima ou polo dereito á vivenda… Recentemente, Woke Up! constituíuse como asociación co obxectivo de medrar e expandir os seus vínculos. O seu obxectivo é dar voz a creadoras de contido de todo o Estado español e tecer alianzas con entidades que defendan os seus mesmos valores.

Instagram: @wokeup.news
Tiktok: @wokeup.news