Este obradoiro de activismo creativo é unha aceleradora de proxectos activistas, impartido por Marina G. Canedo, creadora e estratega de teta&teta e referente en comunicación política e cultura dixital.
Analizaremos como funcionan hoxe a cultura, os medios de comunicación e o discurso político na era do scroll sen fin, identificando cando a comunicación con propósito xera transformación e cando é simplemente maquillaxe, greenwashing, pinkwashing ou activismo performativo.
Exploraremos como deseñar estratexias que produzan conversa e movemento reais, non só alcance ou contido para subirse a “o que toca”. Este obradoiro invítanos a converternos en axentes de cambio, capaces de ler, pensar e activar cuestións sociais máis alá da estética do propósito.
Porque un mundo limitado á venda de produtos é, ademais de ser peor, moito máis aburrido.
Marina G. Canedo é creadora, activista, estratega e comunicadora. Representa a unha nova xeración de comunicadoras: híbrida entre activismo e entretemento, con unha mirada crítica, sensibilidade social e un propósito claro de transformación. Forma parte de teta&teta, desenvolvendo campañas sociais vinculadas ao feminismo, dereitos e coidados; traballou en axencias como MRM e M&C Saatchi, e co-creou o podcast Gente 2020, recoñecido por Forbes como un dos mellores do país. Actualmente combina política e entretemento, explorando como transformar ideas complexas en narrativas claras e movilizadoras para audiencias novas en plataformas dixitais.
Instagram: @mgcanedo | @tetayteta
