Carballo
Interplay
XII Edición

24 - 27 / 04 / 2025 

Programa

Sábado 26/04/25
11:00
Mercado de Carballo

Abajo el trabajo!

O oficio da creación de contidos é complicado. Internet, as redes sociais, os medios de comunicación e os espazos culturais sempre están a pedir novos productos, facendo que moitas creadoras vivan con frustración a incongruencia de facer discurso en torno ás críticas ao capitalismo e á hiperproductividade mentres son as súas peores xefas. Pódese vivir da creación sen autoexplotarse? As nosas mellores horas do día -e da vida- ocúpaas o traballo?

Panel

Para falar deste tema temos a Juana Dolores, Christo Casas e Puto Mikel, tres pensadoras e creadoras anticapitalistas especialistas en eidos tan diversos coma o xornalismo, a arqueoloxía ou as artes dramáticas con ampla experiencia en internet e nos espazos culturais.

Participan

Juana Dolores

Actriz, dramaturga e directora de escena. Tamén poeta e videoartista. A súa obra xorde da dialéctica entre a política e a estética. Publicou “Bijuteria” [Bisutería]– e “I SI UNA NACIÓ DESFILANT PER UNA CATIFA VERMELLA –rèquiem català–” [Y SI UNA NACIÓN DESFILANDO POR UNA ALFOMBRA ROJA –requiem catalán–] (2023, Ed. Poncianes). No audiovisual, ideou e creou “LIMPIEZA” (2020) e “MISS UNIVERSO” (2021). En teatro, escribiu, dirixiu e interpretou “JUANA DOLORES, massa diva per a un moviment assembleari” [JUANA DOLORES, demasiado diva para un movimiento asambleario] (2019) e “HIT ME IF I’M PRETTY o la princesa moderna” (2023). Foi traducida ao castelán, ao euskera, ao francés, ao alemán e ao árabe. As súas liñas de investigación e experimentación artísticas actuais céntranse nas potencialidades axitativas e propagandísticas da beleza da ficción e do realismo revolucionario, e no estudo da feminidade, a sexualidade, o desexo, o erotismo e a pornografía.

Instagram: @juanadolorex | TikTok: @juanadolorex

Christo Casas

Xornalista pola Universitat de València e antropólogo pola UNED, pero sobre todo, “o neto dos Pelines, xa sabes, o que din que é maricón”. Marica de clase traballadora coa esperanza de abolir o traballo. Actualmente gasta o seu salario nun aluguer en Barcelona, dende onde escribe para diversos medios e persoas e, de tanto en tanto, algunha novela ou ensaio con perspectiva de clase e queer, como “El Power Ranger rosa” (Niños gratis, 2020) ou “Maricas malas” (Paidós, 2023).

Instagram: @christocasas

Puto Mikel

Arqueólogo e divulgador. Compaxina a súa investigación cla divulgación de historia e arqueoloxía en redes sociais a través da súa canle PutoMikel e noutros medios como a radio (Carne Cruda y RNE) e en televisión (El Intermedio, El Condensador de Fluzo). Utiliza a performance e o drag para falar da historia dende perspectivas máis inclusivas e da construcción de discursos do pasado. Publicado o libro “Sodomitas, vagas y maleantes: Historia de la España de Atapuerca a Chueca”, editado por Planeta, onde revisa a historia de España dende a Prehistoria seguindo o fío conductor da disidencia sexual e de xénero e o papel que estes xogaron na creación de estructuras de opresión e vixilancia.

Instagram: @putomikel | Tiktok: @putomikel

Volver ao Programa