Carballo
Interplay
XIII Edición

16 - 19 / 04 / 2026 

Programa

Venres 25/04/25
16:00
Mercado de Carballo

Pitching. Creación dixital galega

O Carballo Interplay continúa non só impulsando, senón tamén premiando a creación de contido en galego para a rede con difusión Youtube, TikTok, Instagram ou calquera plataforma online. Sen de restrición de formato, temática, xénero, estilo, nin persoas destinatarias, sempre que non conteñan ningún tipo de contido ofensivo contra ninguén.

Pitching creación dixital galega

Todos serán avaliados por un xurado integrado por Marta Pérez (docente na área de Comunicación Audiovisual e Publicidade da USC), Andrea Villa (codirectora do festival e programadora de actividades), Andy Chichester (filólogo, docente e xerador de contidos) e María Rúa (gañadora do premio na pasada edición na categoría de creación).

Os creadores e proxectos finalistas que deberán defender os seus proxectos nesta edición son:

Participan

Rebelico Revista

FINALISTA MELLOR CANLE

En Rebelico está presente a cultura tradicional galega dun xeito divertido e actual xa que o obxectivo principal é achegar a tradición galega á sociedade para romper estereotipos e poñela en valor.

Descifrando a historia

FINALISTA MELLOR CANLE

Descifrando a Historia é un proxecto que naceu no ano 2020 para divulgar a nosa historia. Nun primeiro momento foi pensado como podcast, pero co paso dos meses, conscientes do poder e o impacto das redes sociais, comezaron a crear contido para Instagram dende o ano 2021 e dende hai uns meses tamén están en TikTok.  A idea é chegar cos podcast a un público máis adulto e coas redes sociais a un público máis xuvenil.

Galego para peques

FINALISTA MELLOR CANLE

Galego para peques é un proxecto audiovisual pensado para estender o uso do galego na infancia. Con isto pretenden proporcionar recursos audiovisuais para o ensino e as familias, o máis atractivos posibles, que poidan favorecer o consumo de música e narrativa en galego nestas primeiras etapas da educación infantil e incluso primaria. 

Um Te com Nee

FINALISTA MELLOR CANLE

Con este podcast, o Nee, unha persoa de xénero non binário, recolle o cambio da sua voz co tratamento hormonal de testosterona (tamén coñecida como “T”). Así, cada episódio relaciona a sua transición de xénero con outra transicionn cultural, de diversos povos ao redor do mundo (Samhain, o solstício, o ma’giri’…). Estes rituais de paso permitem conectar a experiência das persoas trans c a humanidade no seu conxunto, porque todes pasamos por diferentes transicións.

@Konachadas

FINALISTA MELLOR CREADORA

Fai un contido difícil de etiquetar, con temas banais moi variados, pero sempre con un trasfondo activista. A súa creadora descríbeo como “retranca consciente”. Pode falar de moitas cousas, pero sempre co respecto e o bo roio por bandeira. Algunhas temáticas son: cultura galega, consumo consciente, humor.

@Patriiotero

FINALISTA MELLOR CREADORA

Na súa canle a creadora principalmente denuncia aquelas actitudes ou conductas que van en contra dos seus principios e valores. Tamén intenta darlle visibilidade a temáticas que están máis silenciadas e, sobre todo, facer reflexionar a aquelxs que consumen o seu contido. As vertentes principais nas que centra o seu contido son a defensa da lingua, o feminismo e outros problemas sociais como o acceso á vivenda ou a gordofobia.

@SaraSecoRial

FINALISTA MELLOR CREADORA

Na canle de Sara Seco póndese atopar moitos vlogs, restaurantes e locais de moda. Recomendacións e reviews de produtos de beleza, colaboracións con marcas estatais e internacionais e divulgación social e sobre a lingua. O contido lifestyle  levaa orgánicamente a facer un contido moi diverso en relación coas peticións que a súa audiencia lle vai suxerindo.

Volver ao Programa