Docuserie – multiplataforma

Un proxecto de Román Varela (Aboa.productora)

Este proxecto multiformato propón unha inmersión honesta e sensible na realidade da saúde mental en Galicia, combinando o formato principal dunha serie documental con pezas complementarias en formato videoblog ou reel, onde o protagonista —paciente e presentador ao mesmo tempo— comparte reflexións íntimas sobre os temas tratados en cada episodio. Esta dobre narrativa permitirá achegarse ao público desde diferentes perspectivas: a colectiva e informativa, e a persoal e emocional, ofrecendo un relato máis profundo e humano.

Webserie de ficción educativa sobre convivencia escolar.

Un proxecto do alumnado de 4º da ESO do instituto IES Arcebispo Xelmírez I de Santiago de Compostela.

4ºB non é un grupo sinxelo; defínense a si mesmos con orgullo como “o mellor de cada casa”;na aula xúntase estudantes con necesidades específicas, altas capacidades e líderes disruptivos que non acatan ninguna norma. Para un docente unha sóa clase con eles resulta interminable; traballar constitúe unha odisea, acadar o silencio misión imposible. Varios conflitos atenazan o día a día da aula.

Webserie de ficción

Un proxecto de Martín Castro

“Artistas de Reserva” segue a un grupo de mozos artistas que tentan abrirse paso no panorama actual das súas respectivas disciplinas, nas cales non só soñan con triunfar, senón que tamén empregan como forma de xestionar os seus complicados problemas persoais, así como as relacións entre eles.

Webserie de comedia

Un proxecto de Asociación Xuvenil Mómaro

No pintoresco ambiente dun bingo, onde o cotián mestúrase co inesperado, desenvólvese unha comedia que expón, con humor e agudeza, as situacións máis disparatadas protagonizadas polos seus peculiares clientes.

Webserie de comedia

Un proxecto de Silvia Lorenzo e Paloma Otero. 

Unha crítica feminista aos roles de xénero clásicos e xa caducos do sistema laboral, en clave de comedia disparatada. Dende unha sala de Recursos Humanos, dúas señoras moi señoras reclutan con retranca e poderío distintos perfís profesionais para postos curiosos na empresa privada, desmontando clichés e tópicos ao longo das probas.