A nostalxia é clave nestes tempos convulsos, e moita xente de internet escolleu refuxiarse nas súas series favoritas. É o caso de Raquel Piñeiro, xornalista e autora do libro Un país en la pantalla: España a través del cine y las series, e a sua amiga Patricia Blanco, profesora. Dúas pontevedresas que decidiron comezar un podcast no que analizarían, capítulo a capítulo, a serie Sexo en Nueva York. Nesta edicion do Carballo Interplay, contaremos con elas para que nos fagan un show especial en directo (algo que nunca sucedera ata agora en Galicia!) falando das aventuras de Carrie, Samantha, Charlotte e Miranda “con inesperadas referencias a Pontevedra”.