Prado Rúa é un proxecto que nace no 2020 dende a necesidade dun anaco de cultura galega en internet. Converteuse en influencer, pero desas que queren mellorar o mundo. Cultura, humor, trends con identidade propia… fala do que lle apaixona. E sempre candongueando, claro!

Instagram: @prado_rua
Tiktok: @pradorua 

Nuria Grandío naceu en Viveiro coa ansia de comunicar nas súas veas. As mestras do colexio sempre lle rifaban por falar ou por estar nos seus “mundos imaxinarios”. Atopou o xeito de canalizar toda esa enerxía dedicándose ao mundo da creatividade e da publicidade. Hai 5 anos comezou tamén co seu proxecto persoal en redes sociais, Konachadas, co que gañou na edición 2025 o premio Youtubeiras+ á Creación de Contido.

Instagram: @konachadas
Tiktok: @konachadas