Con Inés Hernand
O contido de Playz, que foi premiado como mellor programa de entretemento nos Premios Ondas 2021, acompañaranos neste Carballo Interplay levando a cabo por primeira vez en directo dende Galicia un dos seus formatos estrela: Gen Playz.
INÉS HERNAND
Inés Hernand conducirá en directo este Gen Playz dende Carballo nun programa especial onde os convidados e convidadas serán varias caras recoñecidas polo público. O programa terá actuacións musicais e, coma sempre, seguirá mantendo a súa natureza de espazo para o debate e tratar temas sociais de interese para a xente nova e os adolescentes como a educación, novos modelos de relacións, ecoloxía, transexualidade, saúde mental, adicción ás tecnoloxías… Dentro Gen Playz!