SÁBADO 9 DE ABRIL / 13.00

DUBRA CAFÉ

ENTRADA LIBRE

Marta Salicrú, aka Salicrunette, é a directora de Radio Primavera Sound. Xornalista musical con traxectoria en ‘Rockdelux’ e ‘Time Out Barcelona’, entre outros medios, picou discos –como metade do dúo Bonnie & Clyde ou en solitario– en festivais como o Vida, o FIB, o Madrid Pop Fest, o Summercase e o Indietracks británico; en clubs como o londiniense How Does It Feel To Be Loved e o Old Wave New Wave de Miqui Puig en La [2] de Apolo, e en salas como o Pop Bar do Razzmatazz e a Sala VOL de Barcelona, e en Siroco e Ochoymedio de Madrid. 


Pica cancións de pop, entendido este con un sentido moi amplo, e as súas sesións abarcan desde o Girl Group Sound dos anos 60 ao R&B contemporáneo, pasando pola rumba catalá, nun percorrido musical que vai da Costa Oeste estadounidense a Xapón, pasando por Chile, Colombia, Xamaica, España, o Reino Unido, Francia e Italia.