MARTA SALICRÚ
Marta Salicrú é desde 2019 a directora de Radio Primavera Sound, Premio Ondas 2021. Xornalista musical de Barcelona con máis de quince anos de experiencia –once deles en Time Out Barcelona, a metade como xefa de redacción–, é colaboradora da revista Rockdelux e dirixe o club de lectura de libros sobre música da librería Finestres. Coescribiu ‘Putos himnes generacionals’ (Columna, 2015) e o prólogo de ‘Apolo: 75 anos sin parar de bailar’ (Comanegra, 2018), e participou como relator en Eurosonic Noorderslag (ESNS), Primavera Pro, Montreal M, MIL (Lisbon International Music Network), BIME Prol e Club de Creativos. Como docente, especialízase en cultura pop e podcasting (ESCAC, Elisava, UOC, International Music Business School). Como DJ pinchou en eventos de Primavera Sound, Vida Festival, Sala Apolo, Razzmatazz, Ochoymedio, Sala VOL, Siroco, FIB, Madrid Pop Fest, Summercase, Indietracks e How Does It Feel To Be Loved, entre outros.
VÍCTOR SALA
Cofundador da revista en liña sobre series Serielizados e desde o 2014 codirixe o Festival Internacional de Series de Barcelona e Madrid e online en Filmin, Serielizados Fest, que convidou a guionistas como David Simon, Dan Harmon, Sally Wainwright ou Vince Gilligan. Cofundador e programador do Showcase de Pilotos de Serie, un proxecto de Serielizados, e o Festival Zoom de Igualada para achegar o talento emerxente á industria das series. Escribiu a curtametraxe Robota e o piloto de televisión Psycho Psalms para a produtora Open the Portal. Para a Universitat Pompeu Fabra dá clases de formatos de televisión, codirixiu o programa Tube d’ Assaig para Betevé e é crítico de series no programa de radio SerieSelektor de iCat FM.
BETU MARTÍNEZ
Cofundador da revista en liña sobre series Serielizados e desde 2014 codirixe o Festival Internacional de Series de Barcelona e Madrid e en liña en Filmin, Serielizados Fest, que convidou a creadores de series como David Simon, Dan Harmon, Sally Wainwright ou Vince Gilligan. Cofundador e programador do Showcase de Pilotos de Serie, un proxecto de Serielizados e o Festival Zoom de Igualada para achegar o talento emerxente á industria das series. Encargado da sección de series de Time Out Barcelona & Estafe Out Madrid e fala de series no programa “SerieSelektor” de iCat FM (Catalunya Ràdio). Foi codirector do programa Tube d’ Assaig para Betevé. Cando non está en Serielizados está coa súa banda de electrónica, TMATNB.
ÁNGELA ANDRADA
Licenciada en xornalismo con especialización en audiovisual pola Universidade de Santiago de Compostela. No 2015, continuou a súa formación en guion no Instituto de Cinema de Madrid, onde o seu proxecto de longametraxe, “Eu son Mónica”, foi seleccionado para a súa realización e producido pola propia escola. No 2017 gañou o premio ao mellor proxecto webserie no Festival Carballo Interplay, o que lle permitiu rodar “Hai vida en Bran?”, que foi nomeada a mellor webserie nos Premios Mestre Mateo 2019. En televisión, foi guionista para o concurso cultural de Televisión de Galicia, “Coma un allo”. Así mesmo, conta con experiencia como revisora de diálogos no filme arxentino, “Marea”, de Emiliano Torres.
LUCÍA ESTÉVEZ
Graduada en Comunicación Audiovisual pola Universidade de Vigo e O Porto, cunha bolsa Erasmus na UCP. Continúa a súa formación investigando a creación escénica e afonda na presenza da danza en diferentes formatos. En 2018 gañou o Premio María Luz Morales polo seu videoensaio Muller Personaxe. Actualmente atópase na fase de desenvolvemento da súa primeira película As Defensas (coa bolsa de talento de AGADIC 2020 xunto con Cósmica Producións en 2021). En 2021 roda O neno sardiña, curtametraxe producida por Cósmica Produciones. O seu último traballo, O niño dos paxaros, está en fase de distribución e estréase na Sección Oficial do Festival Internacional de Cine de Xixón 2021. Ese mesmo ano gañou o Premio Mestre Mateo á mellor webserie con XAN con Miguel Canalejo. En teatro ocúpase do espazo audiovisual e da produción de cámaras en escena en Curva España, do Grupo Chévere.