Este obradoiro constará dunha parte teórica, onde reflexionaremos sobre as posibilidades comunicativas e a capacidade de xerar unha linguaxe propia que teñen os memes. Repasaremos os usos que se fixeron á hora de xerar comunidades e transmitir mensaxes de maneira propagandística, cifrada e humorística.
Despois haberá unha parte práctica na que os asistentes necesitarán un dispositivo dixital (smartphones) e que algunhes teñan conta de Telegram.
Preparados e preparadas para crear o primeiro banco de memes do Carballo Interplay?
DÍA: VENRES 31 DE MARZO
DURACIÓN: 17h – 19h30
PRAZAS: 15
PREZO: 20 €
PROYECTO UNA
Proyecto UNA é unha colectividade millennial que ten como cometido desenmascarar as novas formas de fascismo que se ocultan baixo simboloxía aparentemente inofensiva, así como recoñecer e dar valor ás alianzas feministas forxadas á calor dos píxeles. Dende o popular e o comunitario, investigan sobre as guerras culturais de poder nos medios, Internet e a realidade analóxica. Están dispostas a rir a gargalladas dende a barricada, porque lles vai a vida niso.