Un dos obxectivos do Carballo Interplay é seguir transformando, medrando, ensinando, e promocionando o talento galego na rede. Por isto nesta edición, dende o festival artellamos un encontro cos principais puntas de lanza nas novas narrativas dixitais do país. Como se comeza a crear contido? En que se diferencia o público de cada rede? Que é o que demandan? Que hai que ter en conta para crear no ámbito dixital? Están os creadores e creadoras de diversas redes interconectados entre si? En que momento se atopa a creación dixital en Galicia? Que retos hai para o futuro? Resposta a todas estas preguntas e máis, neste Masters da internet moderado por Alba Mancebo e Esther Estévez!