A distancia social imposta pola pandemia obrigou a maioría de festivais de cine e audiovisual a reiventarse ou, cando menos, a expandir o seu alcance na rede máis alá da presenza física. A colaboración con plataformas de streaming, a creación de contidos específicos para a rede ou o deseño de actividades para a súa produción e retransmisión online son algunhas das solucións que, sendo conxunturais, quizais viñeron para quedar. Cara a onde camiña o futuro destes eventos? Que novos formatos de festivais visualizamos para os vindeiros anos? Que aprendemos da experiencia deste ano? Sobre isto falaremos con representantes de distintos festivais de cine galegos que tiveron que adaptar as súas edicións de 2020 a esta nova realidade.