Ademais de ser o grupo revelación do pop galego neste ano tan estraño, o dúo formado por Berto Mira e Fer Peleteiro arrastra un fenómeno fan nas redes como non se viu ata o de agora. O seu segredo é seren riquiños cos fans, seguilos de volta en Twitter, responderlles e rechialos. Seguir sendo humildes a pesar de ter un fandom capaz de conseguirlles concertos en distintas localidades ou esgotar as súas camisetas en 24 horas. Falaremos con grupo de música e de redes nun encontro no que os fans poderán entrar en directo a falar con eles.