Videoteca

Internet has left the screens to permeate every detail of our lives. We talk about the Internet (and sometimes LIKE the Internet), we write about the Internet, we think about the Internet. We make t-shirts with memes, we publish books about them, we sell stickers… Do we print the internet? Are we afraid that digital will disappear? For this panel we have meme and digital content creatos, as well as analysts and curators who are experts in these trends.

With Álvaro L. Pajares, Marina G. Canedo, Rafa López and Ainhoa ​​Marzol.

Generations X and Z want to talk about politics in their homes, with their friends, with their affairs, and, of course, also in the internet. In an increasingly polarized social context, increasing young voices build links and work on alternatives from the digital sphere. Activist, feminist, decolonial and anti-fascist voices from Galicia and other parts of Spain that seek to demonstrate that young people want to make this world better. Questioning what is established to build positively.

With Iván Iglesias (OU ké!), Carretando, Alan Barroso, Sergio Gregori, Ayme and Marina Lobo.

O oficio da creación de contidos é complicado. Internet, as redes sociais, os medios de comunicación e os espazos culturais sempre están a pedir novos productos, facendo que moitas creadoras vivan con frustración a incongruencia de facer discurso en torno ás críticas ao capitalismo e á hiperproductividade mentres son as súas peores xefas. Pódese vivir da creación sen autoexplotarse? As nosas mellores horas do día -e da vida- ocúpaas o traballo? Para falar deste tema temos a Juana Dolores, Christo Casas e Puto Mikel, tres pensadoras e creadoras anticapitalistas especialistas en eidos tan diversos coma o xornalismo, a arqueoloxía ou as artes dramáticas con ampla experiencia en internet e nos espazos culturais.

Con un internet cada vez más hostil e un aumento do movemento reaccionario de ultradereitas, misóxino e racista, é máis importante que nunca comunicar na diversidade. É responsabilidade de espazos como Carballo Interplay axudar a difundir os discursos de creadoras que buscan defender os dereitos de todas. Queremos escoitalas e saber cómo axudar a mellorar os espazos de debate, como educar dun xeito igualitario e corrixir os nosos prexuizos. Para isto queremos contar con algunhas das creadoras e comunicadoras máis relevantes que hai neste momento na loita antirracista e contra a xitanofobia como Chaimaa Boukharsa,  Lucía Mbomío, Voria Stefanovsky e “Guru” Jiménez, con Antonio Grunfeld, de AGARESO, como moderador .

Nesta edición queremos reivindicar máis que nunca a lingua galega e á xente que decide usala e defendela no seu día a día, e dentro desa xente, paleofalante e neofalante, atopamos casos curiosos coma o de Andy Chichester, profesor estadounidense que decidiu aprender o idioma e empezar a usalo nas súas redes sociais, gañando o cariño do internet galego.

O seu compromiso coa nosa cultura, malia non ter ningún tipo de cercanía previa, é un dos temas dos que queremos falar con Andy, que viaxará dende Nova York ata Carballo para poñer en práctica os seus coñecementos e reflexionar sobre o papel da lingua nas nosas vidas. Todo nunha conversa na que estará acompañado polo actor Federico Pérez.

Neste Interplay Lucas Costas, un dos integrantes de MUVI, reivindicará o videoxogo como medio de comunicación, expresión e creación, así como unha ferramenta educativa no sentido máis amplo da palabra, nun panel no que repasará tamén a súa historia en na nosa comunidade poñendo o foco en The Wall, o primeiro videoxogo comercial de Galicia.

En 2021 a conta de twitter de Radio Vigo preguntaba aos seus seguidores que artista debería compor o himno do centenario do Celta. As opcións que daba eran catro, Iván Ferreiro, Siniestro Total, Carlos Núñez e Eladio, pero ninguén esperaba que C. Tangana, artista de renome internacional, decidira presentarse como voluntario.

Dous anos despois, a “Oliveira dos cen anos” forma parte xa da historia do club, chegando a chamar a atención de medios internacionais como o New York Times, a revista Billboard e The Guardian. O seguinte paso? A campaña “Non pode ser máis de aquí”, que xira arredor das raíces e identidade galega, gañadora nos Premios Paraugas e nos Mestre Mateo; accións culturais con artistas galegos nas previas dos partidos, como Fillas de Cassandra ou Abraham Cupeiro; documentais cinematográficos vencellados a tradicións da nosa terra, como “A cor do Entroido”… O compromiso do Celta por unha comunicación baseada nas raíces e a identidade galegas segue adiante.

No Carballo Interplay cremos que na internet se poden crear grandes cousas: dende medios de comunicación que van máis alá do mainstream para aportar novos puntos de vista ata centros de producción de saberes completamente gratuitos e abertos a todo o mundo.

Aínda que concibimos e queremos unha rede para compartir, coidar, rir, apoiar e aprender, ás veces, como reflexo da sociedade na que vivimos, tamén pode ser un lugar moi hostil para minorías sociais ou albergar unha chea de discursos de odio, fascistas ou machirulos. “Amiga, yo te cuento” é un espazo seguro para falar de como navegar e fulminar esas hostilidades e seguir sendo e opinando ata que non existan esas barreiras. Un sitio no que poder reflexionar sobre os fenómenos culturais que nos gustan sen prexuízos, dende o presente ou dende a nostalxia.

Porque as nosas ponentes de “Amiga, yo te cuento” falan cinco segundos e son capaces de deixarche pensando horas. Poucas persoas máis guais atoparedes na rede, PROMETIDO.

A creadora cultural María Yáñez proporá en directo, a través da súa experiencia persoal, unha viaxe desde os inicios da internet galega ata as portas da chegada das redes sociais. Un repaso a como chegaron as primeiras conexións nos anos 90, as primeiras webs en galego, os primeiros medios dixitais, as primeiras plataformas sociais de contido, que naceron desde abaixo, colectivamente e con dúas motivacións principais: a lúdica e a activista.

No Carballo Interplay queremos poñer o foco no traballo de persoas que utilizan as posibilidades da rede para amosar outras realidades ou facer do mundo online un lugar máis habitable dende o humor, a divulgación, a arte… e todo o que se lles poña polo camiño. Non perdades esta conversa cun auténtico dream team: a xornalista Nerea Pérez de las Heras, a historiadora Eugenia Tenenbaum e cómica Ana Polo.

Como divulgar dende a rede? É internet agora o xeito de chegar a grandes públicos? Como xestionar as críticas? Hai espazo para os discursos que se saen da norma? Como lidiar co pinkwashing e as trampas do capitalismo? Agárdannos moitas preguntas e, sobre todo, moito palique.