Un dos podcasts que se poderán escoitar en directo nesta edición é Pop y Muerte, un proxecto sobre cultura popular vai xa pola sua quinta tempada. Kiko Amat (1971) e Benja Villegas (1982) coñecéronse na radio hai cinco anos, E non deixaron de falar dende aquela. Podcasters innatos, a estes dous fillos da periferia barcelonesa úneos o amor pola subcultura, o punk rock, a nerdidade non-xelatinosa e os trapos de calidade.

Os seus seguidores xa escoitaron programas sobre temas tan diversos como os homicidios, a música pop, as sectas e o futbol. En directo, Pop y Muerte exhiben a súa elocuencia desbordante e unha notable erudición pop, derivada de perder os mellores anos da súa vida rodeados de discos, cómics, películas e libros. E droga. É broma.