24 - 27 / 04 / 2025
Carballo, Galicia, Spain
A finalidade deste taller é visibilizar que son as violencias machistas dixitais e dar ferramentas para combatelas, a través dunha guía visual que ofrece ferramentas e recursos esenciais para afrontar as violencias machistas dixitais desde unha perspectiva feminista e de empoderamento. Porque o que pasa nas redes tamén é real, e ten un impacto fóra das nosas pantallas.
Unha das proxeccións desta edición será a serie “Dieciocho”, producida e distribuída por RTVE e dirixida por Hammudi Al-Rahmoun Font e Damià Serra. A serie, protagonizada por Maël Rouin-Berrandou e Alícia Falcó, fala sobre os prexuizos en torno a inmigración e como estes afectan á soidade dos mozos protagonistas.
Non podemos falar do audiovisual galego sen mencionar o mundo dos videoxogos, e MUVI é o primeiro museo aberto en España adicado á súa historia. A Fundación Museo do Videoxogo de Galicia xorde a partires da necesidade de reivindicar o videoxogo como unha forma de cultura e de arte, vencellado coas virtudes da faceta lúdica do ser humano. O MUVI é o resultado dun proceso reivindicativo e dunha visión concreta sobre o potencial deste medio, transversal, rigorosa e integradora.
Os finalistas deste premio para a creación de calquera tipo de contido dixital en galego que convoca o Concello de Carballo terán que defender as súas propostas diante dun xurado composto por Xose Regueira (Concelleiro de Turismo e Promoción económica do Concello de Carballo), Sonia Méndez (codirectora do Carballo Interplay) e Bea Saiáns (gañadora do premio o ano pasado e directora da serie “Delirio Sketches”).
Abracadavers Season 3
Secretly Sweet
Así falamos, así sentimos
The Pearl (lets-make-peace)
Settle Down
E logo, quén foi?
Bibopalula conta as aventuras de catro paxaros: o paporroibo Robin, a pega Pegui, o merlo Merlin e o picapau Carpin, que deciden formar un grupo musical. Os protagonistas da serie viven nun bosque e o medio natural e o seus ciclos serán os protagonistas de todas as aventuras e de todas as cancións de Bibopalula.
Tamén contaremos coa estrea en primicia de “Delirio Sketchs” de Bea Saians, a serie gañadora do premio a mellor proxecto de serie na pasada edición do festival. Presentaranse os tres primeiros capítulos e contaremos coa presenza da súa directora, elenco e equipo da serie.
Non saímos do lixo é un programa de sketches en galego. Tras unha primeira época nos anos 2010-12, volveu en 2024 agora explorando tamén máis formatos: shows en vivo, podcasts…
Non se pode discutir, interésanos un bo misterio e fascínanos entender a maldade humana. O mundo do true crime está a vivir un dos seus mellores momentos, impulsado polo éxito do xa clásico “Crims” catalán. Queremos falar do formato, o estilo a ambientación, os conflictos éticos, da man de dous proxectos galegos premiados pola iniciativa Radar Podcast Spotify, “Sofá manta y crimen” e “La crónica oscura”. Tamén contaremos ca participación da equipa de Spotify Podcast para analizar este fenómeno a nivel de industria.
En 2021 a conta de twitter de Radio Vigo preguntaba aos seus seguidores que artista debería compor o himno do centenario do Celta. As opcións que daba eran catro, Iván Ferreiro, Siniestro Total, Carlos Núñez e Eladio, pero ninguén esperaba que C. Tangana, artista de renome internacional, decidira presentarse como voluntario.
O Carballo Interplay ten un papel vital a nivel galego á hora de apoiar e impulsar aos novos creadores e creadoras. Un exemplo disto é o podcast O Faiado, proxecto creado en 2023 por estudantes de xornalismo e comunicación audiovisual, para comentar a actualidade sobre a cultura pop, galega e internacional, así como comentar tendencias, reflexionar e, sobre todo, botar unhas boas risas.
O Carballo Interplay continúa non só impulsando, senón tamén premiando a creación de contido en galego para a rede con difusión Youtube, TikTok, Instagram ou calquera plataforma online. Sen de restrición de formato, temática, xénero, estilo, nin persoas destinatarias, sempre que non conteñan ningún tipo de contido ofensivo contra ninguén.
A moza que abortou e o contou
The Littlest Hoglet
The fades of Papineau
Dieciocho
Nesta edición queremos reivindicar máis que nunca a lingua galega e á xente que decide usala e defendela no seu día a día, e dentro desa xente, paleofalante e neofalante, atopamos casos curiosos coma o de Andy Chichester, profesor estadounidense que decidiu aprender o idioma e empezar a usalo nas súas redes sociais, gañando o cariño do internet galego.
A nosa habitual sección “Rajando con…” ten esta vez como protagonistas a Facu Díaz e Miguel Maldonado. A actualidade manda e eles procederán a despedazala nun show digno de presenciar en directo.
I adore Juice
Pepe Pollo Show
Random Stuff
Roommate Quest!
Adventures in Zeroworld: The Incredible Shrinking Mannequin
O oficio da creación de contidos é complicado. Internet, as redes sociais, os medios de comunicación e os espazos culturais sempre están a pedir novos productos, facendo que moitas creadoras vivan con frustración a incongruencia de facer discurso en torno ás críticas ao capitalismo e á hiperproductividade mentres son as súas peores xefas. Pódese vivir da creación sen autoexplotarse? As nosas mellores horas do día -e da vida- ocúpaas o traballo?
Con un internet cada vez más hostil e un aumento do movemento reaccionario de ultradereitas, misóxino e racista, é máis importante que nunca comunicar na diversidade.
Un dos podcasts que se poderán escoitar en directo nesta edición é Keep It Cutre, o antipodcast creado por Albanta San Román e Ángela Henche. “Por que facer as cousas ben cando podes facelas regulín” é o seu mantra e ambas describen o seu proxecto como unha charla entre amigas na que “dan a turra”.
@amor
Triple Oh!
My Dead Mom
Bouchon
Der Kleine Tod
O Código Fonte Audiovisual é un formato híbrido entre conferencia e proxección, no que se convida a un curator a que seleccione e comente fragmentos de obras audiovisuais embebibles que marcaran a súa cultura e a súa forma de entender o mundo.
Dos creadores de “El Precio Justo” chega “Aquí no hay quien viva”, o concurso de adiviñar o prezo dos pisos de alugueiro. Ana Polo fainos unha selección do mellor dos portais inmobiliarios para xogar todos xuntos a adiviñar o seu prezo (con total seguridade abusivo) dos últimos zulos dispoñibles.
Entrega dos premios desta edición da man de dúas das persoas máis queridas polo festival: Miguel Canalejo e Belén Puime.
Internet saíu das pantallas para impregnar cada detalle das nosas vidas. Falamos de internet (e ás veces como en internet), escribimos de internet, pensamos sobre internet. Facemos camisetas con memes, publicamos libros deles, vendemos pegatinas… Imprimimos internet? Temos medo a que o dixital desapareza? Para este panel contamos con creadoras e creadores de memes e contidos dixitais, así coma con analistas e curadoras expertas en tendencias.
Álvaro L. Pajares, Marina G. Canedo, Rafa López, Ainhoa Marzol
Que nos contan de si mesmos o Exército Mekemeke? Ola parroquia! Somos o videopodcast galego que está conquistando toda Internet, unindo á xabaxeración, estamos a facer que cada día máis mekemekes se unan á nosa causa. Un programa presentado por Carlos Vieito que desbloquea cada semana todos eses bos recordos dos nenos e nenas dos 90s. Nunca ser dos malos, molou tanto!
Exército Mekemeke.
PENA Y PÁNICO é o Podcast composto por La Prados e Raquel Hervás no que cada semana comparten os seus medos máis profundos para curarse coa risa. Funciona? Non sempre. É divertido? A maior parte do tempo. Basicamente “outro formato audiovisual no que dúas mozas intentan monetizar os seus traumas”.
La Prados, Raquel Hervás
Este é o podcast definitivo de lesbianas falando sobre lesbianas feito por lesbianas en Radio Primavera Sound. Presentado por Laura Terciado e Bake Gómez, Safo de Mitilene é a súa pastora, nada lles falta. Recoñecemento Arco Iris do Ministerio de Igualdade 2023 a persoas destacadas na visibilización, apoio e defensa dos dereitos das persoas LGTBI.
Laura Terciado, Bake Gómez
